हाम्रो उद्देश्य र दूरदृष्टि

हाम्रो उद्देश्य

विद्युत् सेवाको गुणस्तर र विश्वसनीयता सुधार गर्न तथा विद्युत् क्षेत्रसँग सम्बन्धित सरोकारवालाबीच पारदर्शिता र जवाफदेहितामा वृद्धि गर्नका लागि प्रचलित कानुन तथा नियमावलीमा उल्लेखित नियामक उपकरणहरू तयार गरी कार्यान्वयन गर्ने। वितरण वा व्यापार व्यवस्था भरपर्दो र प्रभावकारी बनाउन नीतिगत सुधार सम्बन्धमा नेपाल सरकारलाई आवश्यक सल्लाह तथा परामर्श प्रदान गर्ने।

हाम्रो दूरदृष्टि

विद्युत् उत्पादन, प्रसारण, वितरण वा व्यापारलाई सरल, नियमित, प्रणालीगत र पारदर्शी बनाउने, विद्युत् आपूर्ति र मागबीच सन्तुलन कायम गर्ने, विद्युत् महसुल नियमन गर्ने, विद्युत् उपभोक्ताको हकहित संरक्षण गर्ने, विद्युत् बजारलाई प्रतिस्पर्धी बनाउने तथा विद्युत् सेवालाई भरपर्दो, पहुँचयोग्य, गुणस्तरीय र सुरक्षित बनाउने र यस आयोगलाई नेपालको विद्युत् क्षेत्रको सफल नियामक निकायका रूपमा स्थापित गर्ने दृष्टिकोण रहेको छ।